Миновски ги престави економските цели пред Светска банка и ММФ
Објавено во: Финансии 09 Октомври, 2016
Во текот на годишното собрание на Светска банка и Меѓународниот монетарен фонд, министерот за финансии Кирил Миновски оствари средби со повеќе претставници од овие финансиски институции со цел да се пренесат нови информации за проектите во иднина и развојот на економијата.
- Најголем дел од приоритетите што ги има Владата на Република Македонија во економијата се целосно усогласени со приоритетите на Светската банка. Размислуваме за проекти во кои главниот фокус ќе биде развојот на приватниот сектор, поврзувањето на домашните компании со компаниите во слободните економски зони, проекти во областа на изградба на патишта, јакнењето на енергетската ефикасност, како и за проекти со кои ќе се придонесе за дигитализацијата на услугите кои ги нуди Владата на Република Македонија, изјави Миноски.
Токму поврзувањето на домашните компании со инвеститорите од индустриските зони за зголемување на ефектот од странските инвеститори е поздравено и од кредитните агенции.