Mистерија околу бегството на Груевски
Објавено во: Македонија 16 Ноември, 2018
Системот на верификација на граничните премини во Албанија потврдил дека екс премиерот Никола Груевски, ја напуштил Албанија на 11 ноември околу 19 часот, пренесоа дел од албанските, но и наши медиуми.
Груевски од Албанија излегол на граничниот премин Хан Хоти -Муричан, на албанско-црногорската граница. Тој бил во дипломатско возило на унгарска амбасада и имал пасош на негово име.
Повикувајќи се на доверливи извори, Топ Ченел ТВ пренесува дека со прегледот на системот ТИМС Груевски не влегол легално во Албанија туку преку зелениот појас.
Унгарската амбасада кратко одговорила дека „не го коментира процесот кој е во тек“, тргнувајќи од фактот дека за барањето азил на Груевски се расправа во Будимпешта.
Некои регионални медиуми известија дека Груевски ноќта ја поминал во амбсадата на Унгарија во Албанија и потоа со авион отпатувал од Тирана за Будимпешта.
Последната информација која синоќа ја пренесе ТВ24 е дека Груевски се уште се наоѓа на албанска територија.
Според информациите на таа телевизија сосема е извесно дека Груевски ноќеска ќе побегне од Албанија по морски пат и тоа најверојатно во правец на Грција. Последната позната дестинација се очекува да биде Турција, каде исто така би пристигнал преку море.
Во текот на вчерашниот ден и унгарската влада се правдаше дека нема никаква врска со бегството на Груевски и дека екс лидерот на ВМРО ДПМНЕ се обидел да побара азил во таа земја.
По Груевски ќе се трага уште. Органите на прогонот по него се пуштија и со меѓународна потерница а кој ќе ја преземе одговорноста засега е неизвесно бидејќи институциите вртејќи се во круг си ја префрлаат вината.