Млада девојка од Гостивар загина во Италија
Објавено во: Македонија 19 Ноември, 2018
Македонска државјанка загина во Италија.
Деветнаесет годишната Аријана Сефери од Гостивар загинала во сообраќајка во Италија, а нејзиниот татко Кујтим Сефери (53) е тешко повреден вчера во близина на италијанското градче Виларота ди Лузсара.
Сообраќајната несреќа се случила во 17.40 часот кога дошло до фронтален судар на автомобил „фиат мултипла“ во кој се возеле таткото и ќерката и автомобил „фиат браво“ што го управувал Индиецот, по што двата автомобили излетале од патот.
Лекари од итната медицинска помош се обиделе да ја реанимираат девојката, но нивните обиди биле безуспешни. Нејзиниот татко и 53-годишниот Индиец се надвор од животна опасност.