Млекара Здравје Радово повторно Супербренд на Македонија

Добивај вести на Viber

Вчеравечер во Сити Хол, беа доделени традиционалните награди Супербренд на Македонија 2013/2014. Млекара Здравје Радово по вторпат ја доби оваа престижна награда, која е присутна во 92 земји и наградува повеќе од 20.000 светски брендови и компании. Млекара ЗдравјеРадово наградата Супербренд ја добива за јакнење на својот бренд на територијата на Република Македонија за 2011, 2012, 2013 и 2014 година и единствената млекара со ова признание. Наградата Супербренд на Македонија, доаѓа веднаш по интернационалната награда Quadal за врвни квалитетни кашкавали. Млекара Здравје Радово со своите 360 вработени, 3 целосно модернизирани производствени погони во Радово, Струмица и Куманово, со 65 различни производи и со над 20% извозна програма од вкупното производство, останува и понатаму доследна во гарантирањето на врвниот квалитет на своите млечни производи и со производство по стандардите на Европската унија. Млекара Здравје Радово со особена гордост може да се пофали со внимателно селектирано и 100% македонско млеко, а за наградата Супербренд им благодари на своите вработени, добавувачи, кооперантни и најважно потрошувачи кои на нашата компанија се верни веќе 13 години.