ММФ даде начелна согласност за кредитот за Албанија
Објавено во: Балкан 18 Декември, 2013
Меѓународниот монетарен фонд информираше дека дал начелна согласност за исплата на кредит на Албанија во износ од 300 милиони евра, наменети за поддршката на економската обнова на земјата.
Социјалистичката Влада на Албанија, која стапи на должноста пред само три месеци, се бори со стагнацијата на приватното кредитирање и со раст на државниот долг, што се очекува да достигне ниво од 74,8 проценти од бруто домашниот производ.
Претставници на ММФ прецизираа дека кредитот треба официјално да биде одобрен на почетокот на следната година и ќе зависи од серија фискални реформи.
Средствата од кредитот ќе бидат главно наменети за исплата на владините обврски кон приватниот сектор, што се проценуваат на 35 милијарди леки (245 милиони евра).