ММФ побара Владата во Скопје да ги намали трошењата и долговите

Добивај вести на Viber

„Најверојатно ќе биде потребна понатамошна компресија на трошоците за да се исполни таргетот за дефицитот од 3,5% од БДП. Властите не размислуваа за ребаланс на буџетот за време на разговорите, со забелешка дека во врска со трендовите на актуелните приходи потребните приспособувања на трошоците кои можат да се спроведат во рамките на нормалните мерки за капитални трошоци со одлагање на најавуваните, но сеуште незапочнати проекти, а тоа се работи од минатото“, стои во последниот извештајот на Меѓународниот монетарен фонд за Македонија. Буџетскиот дефицит треба да се намали од 3,5% на 2,5%, стои во најновиот извештај на Меѓународниот монетарен фонд за Македонија. Примарниот дефицит на централната влада смета дека треба да се намали за 1,6%. ММФ бара среднорочна фискална стратегија Фондот и сугерира на Владата да усвои среднорочна фискална стратегија која ќе биде основа во водењето на економската политика. „Таа стратегија треба да биде компромис помеѓу потребата за зголемен раст од една страна, и обезбедување фискална одржливост и одржливост на долгот, со потреба за намалување на задолженоста и буџетскиот дефицит со тек на време“, стои во извештајот. Главната препорака на ММФ до Владата е дека мора да обезбеди одржливост на јавниот долг. Да не се создаваат нови долгови кон приватниот сектор ММФ исто така во извештајот  регистрираше  дека расте задолженоста, но за да може навреме да се подмируваат долговите, се бараат капитални инвестиции кои ќе имаат влијание на економскиот пораст. Фондот бара исто така да не се создаваат и дополнителни проблеми како што е создавање на нови долгови кон приватниот сектор. Во однос на странските директни инвестиции, ММФ ја поддржува Владата во обидите да привлече што поголем број на инвеститори.