Музички хепенинг „За заедничка Македонија звучи супер" и жолто црвени ленти пред Собранието

Добивај вести на Viber

Музички хепенинг „За заедничка Македонија звучи супер" денеска се одржа во паркот Жена -борец во Скопје.

„Од денеска ние сме оградата пред Собранието“ - рекоа од иницијативата „За задничка Македонија“. 

Тие симболично пред оградата на Собранието поставија жолто црвени ленти. Испратија пораки за сочувување на унитарноста на државата. 

„Решивме за време на викендот да ја измениме формата на искажување на своите ставови и да ги повториме уште еднаш нашите барања. Тоа е откажување од платформи изработени во странски држави, изработка на македонска платформа во Скопје која што ќе ги опфати интересите на сите граѓани на РМ и да потсетиме дека не смее да се усвојува владина програма која не би била изгласана на избори од страна на граѓаните. Денеска сме тука за да докажеме дека заедничка Македонија не само што изгледа, како што видовме во изминатите пет дена, туку и звучи одлично“- изјави Богдан Илиевски од иницијативата „За заедничка Македонија“.

Рекоа дека ќе ги искористат сите демократски начини за истото. Учесниците излегоа и со пораки за одбрана на македонскиот јазик и на националните обележја на државата. Организаторите велат дека концептот на протестни маршеви ќе го продолжат од понеделник низ сите градови на државата.

Хепенинг денеска имаше и во Охрид.