Добивај вести на Viber
Инспектори на Управата за јавни приходи (УЈП) со полициска асистенција вчера започнаа голема акција за контрола на повеќе угостителски објекти и дуќани во скопските општини Сарај и Чаир, како и во Тетово и Куманово.
Затворени се десетици објекти во Старата скопска чаршија и комплексот „Чаирчанка“ затоа што било утврдено дека во нив не се почитува забраната за пушење на јавни места, немале фискални апарати, а биле откриени и други пропусти во работата.
И објектите во Тетово и Куманово се контролирале заради непочитување на законските прописи. Даночниците оцениле дека акцијата е од „висок ризик“, па побарале и полициска асистенција од МВР.
Медиумите на албански јазик синоќа објавија дека граѓаните во овие места и сопствениците на дуќаните биле револтирани заради инспекциските контроли.