Добивај вести на Viber
Додека инвеститорите ги проценуваат новите позитивни макроекономски показатели од најголемите европски економии, на европските берзи денеска внимателно се тргуваше.
Лондонски FTSE околу 14.00 часот беше во минус 0,15 отсто, на 6.605 поени, франкфуртски DAX за 0,04 отсто на 8.390 поени, додека париски CAC беше во плус 0,18 отсто, на 4.055 поени.
Најновите показатели укажуваат на поголем од очекуваниот пад на британското производство во јуни. Објавено е и дека фабричките нарачки во Германија во истиот месец пораснале за 3,8 отсто на месечно ниво, што е најголем раст од октомври минатата година.
Роналд Десвик, главен стратег во компанијата Robecco, меѓутоа, смета дека тие податоци ќе и пружат на берзата само краткотрајна поддршка.
„Утешно е тоа што довербата на потрошувачите сугерира дека закрепнуваме, но од друга страна, сметам дека штедењето, како и финансискиот систем кој не е спремен на компаниите да им позајмува пари, ќе продолжи да го ограничува растот“, смета Десвик.