На Грција и е продолжена помошта уште четири месеци
Објавено во: Балкан 20 Февруари, 2015 21:26
Програмот на финансиска помош на Грција ќе биде продолжен на уште четири месеци, соопштуваат вечерва за Ројтерс неименувани извори после завршувањето на вонредниот состанок на министрите за финансии на еврозоната во Брисел.
Грчката телевизија Скај вечерва потврди дека Атина до понеделник мора на Брисел да му ја претстави новата листа на реформи кои планира да ги спроведе, во ранки на продолжениот програм на финансиска помош.
ТВ Скај прецизирала дека листата на реформи мора да вклучува детали за тоа како Атина планира да се избори со затајувањето на данокот и корупцијата, и како мисли да ја реформира дисфункционалната јавна администрација, пренесува „Гардијан“.
Покрај тоа, Грција треба да ги претстави мерките за завршување на хуманитарната криза во земјата, која е резултат на шестгодишната рецесија и строго буџетско штедење, на кои Атина се обврза во рамки на постоечкиот програм на меѓународната финансиска помош.
После вестите дека министрите за финансии на Грција и еврозоната ги доближиле ставовите, еврото зајакнало во однос на доларот, а на американските берзи е евидентиран раст на акциите.
Грција побарала шестмесечно продолжување на помошта без обврски истовремено да спроведува мерки на штедење поврзани за таа помош, што би и дало време да подготви нов предлог за планот на помош.
На грчкиот предлог најмногу се спротивставувал Шојбле, кој оценил дека тој е недоволен.
Можеби ќе ве интересира
„МИНИСТЕРОТ НЕ ЗЕМА НИТУ ДИНАР“ Вучиќ: Обвинението против Селаковиќ е срамно и безобразно
„Њујорк тајмс“: Фирмата на зетот на Трамп - Кушнер се повлекува од договорот за изградба на хотел во Србија
Граничниот премин Богородица затворен за сообраќај
Потврден случај на лепра во Хрватска: Почната е задолжителна постапка за вакцинација
Во времето на Тито, за некој овие пари беа една плата: Никој не успеал да ја фалсификува „сивата гулабица“, а еве која е мистериозната жена од банкнотата
Голем пожар во Хрватска; На местото на настанот беа повеќе од 60 пожарникари, се слушаа експлозии
Вучиќ до Хрватите: Србија купи нови авиони „Рафал“, a Хрватска половни
Парламентот на Бугарија едногласно ја прифати оставката на владата
