НА КРИПТО-КРАЛОТ И НА НЕГОВИОТ СОРАБОТНИК ИМ Е УКИНАТА КАУЦИЈАТА ОД 400 ИЛЈАДИ ЕВРА - остануваат во притвор во Спуж
Објавено во: Балкан 24 Мај, 2023
Јужнокорејските државјани Квон До Јонг и Хан Чанг Јун, за кои е распишана меѓународна потерница за проневера на криптовалути, а беа уапсени во Црна Гора поради фалсификување документи, ќе останат во притвор во Спуж, бидејќи Високиот суд во Подгорица ја укина одлуката на Основниот суд да прифати кауција од по 400.000 евра за да им гарантира присуство во кривичната постапка.
Квон До Јонг на главната расправа на 11 мај изјави дека со сопругата е косопственик на стан во Сеул, Јужна Кореја, чија вредност ја проценува на околу три милиони евра, додека не ја знае вредноста на другиот имот, бидејќи „го нема на берзата“, пренесува РТЦГ.
Чанг Џун Хан изјавил дека има стан во Србија чија вредност ја проценил на околу два милиони евра и стан во Сеул чија вредност не ја прецизирал.
- Договорот за продажба на стан во Србија го склучив во октомври минатата година. Вкупната вредност на мојот имот ја проценувам на околу пет милиони евра – рече тој.
Следното рочиште е закажано за 16 јуни, информираат од РТЦГ.
На 18 мај, Црногорското обвинителство поднесе жалба на одлуката на Основниот суд да одобри кауција за приведените јужнокорејски државјанин Квон До-Јонг и неговиот соработник Хан Чан-јун по обвиненијата против нив за патување со лажни пасоши.
До Квон, познат како „Кралот на криптовалутите“, е обвинет во САД и Јужна Кореја за измама од 40 милијарди долари, а Хан Чанг Јун е негов соработник.
До Квон и неговиот соработник беа уапсени во март, додека со приватен авион од аеродромот во Подгорица се обидувале да летаат за Дубаи.
Министерот за правда Марко Ковач на 29 март изјави дека екстрадиција на уапсените лица бараат Јужна Кореја, но и Соединетите Американски Држави.
(Извор: Танјуг)
Фото: ЕПА
Можеби ќе ве интересира
СТИГНА ПРВАТА ДОЛГОРОЧНА ПРОГНОЗА ЗА ЕСЕНТА 2024 - еве што нѐ чека после најтоплото лето во последните 100 години
„ИМ БОДЕ ОЧИ“ – ПЛАТАТА НА ПЛЕНКОВИЌ МЕЃУ НАЈВИСОКИТЕ ВО ЕУ: Еве колку зема сега откако вчера си ја покачи за 70 отсто
СТРАШНА ЕКСПЛОЗИЈА ЈА ПОТРЕСЕ БУГАРИЈА: изгоре магацин со огномет во Елин Пелин, има повредени (ВИДЕО)
ЗАВРШИ ДРАМАТА НА ХРВАТСКОТО КРАЈБРЕЖЈЕ: „Оливер“ успешно вплови иако доцнеше со часови (ВИДЕО)
РАБОТЕЛ КАКО СЕЗОНСКИ РАБОТНИК ВО ЛУКСУЗЕН РЕСТОРАН ВО ХРВАТСКА: Му ја намалиле саатницата, бил сместен со 7 работници во една соба, еве го неговот искуство
Американската банка Меркур ја вклучи Хрватска во „забранетите земји“, заедно со Северна Кореја, Авганистан, Куба и Иран
ХОРОР НА ЈАДРАНОТ, КАКО ЗАБАВА СЕ ПРЕТВОРИ ВО ДРАМА: Пропелер ѝ ја откинал ногата на жена, итно префрлена во болница
СИТЕ НЕДВИЖНОСТИ НА ТИТО: Една му била особено драга, еве што се случува со неговиот имот сега
ШТО Е АКИРА – ОД 250 „ЖРТВИ“ ИЗВЛЕКЛЕ 42 МИЛИОНИ ДОЛАРИ: „Ова е нивната тактика“
