На мапата ја измешаа со Косово, ама пресметаа дека Македонија има меѓу најниските даноци!

Добивај вести на Viber

Со персонален данок меѓу 1-10%, Македонија заедно со Албанија, Босна и Херцеговина и Бугарија е меѓу земјите во Европа со најниска стапка на оданочување, покажуваат податоците од едно истражувањена меѓународната консултантска куќа КПМГ. Меѓутоа, на мапата за персоналниот данок, земјава е погрешно означена, на местото на Косово. Еве ја мапата: Србија е во групата на земји со персонален данок меѓу 11 и 20%, за Хрватска персоналниот данок е на нивото меѓу 31 и 40%, додека меѓу највисоките стапки на овој данок е во Грција - меѓу 41 и 50%. Највисоки стапки на персонален данок, од над 51%, според КПМГ, има во Данска, Холандија, Шпанија и Шведска. Според вкупното даночно оптоварување на трудот, кое вклучува данокот на доход и социјалните придонеси, на врвот на листата во светот се Белгија (47%), Грција (46, 5%) и Хрватска (46,3%). Македонија во светски рамки на оваа листа е на 72 место, со вкупни даночни оптоварувања за трудот од 22,7%. Од регионот, пониски вкупни даночни стапки за трудот има во Србија, Бугарија и Албанија. Во истражувањето се опфатени 96 земји од светот. На дното на листата е Кувајт, каде што вкупните давачки за трудот изнесуваат 2,7%.