НАЈБРОЈНА ДРЖАВА ВО ЕУ: Зголемено е населението во Германија
Објавено во: Свет 25 Јануари, 2024
Се зголемило населението во Германија. Тоа достигна околу 84,7 милиони луѓе на крајот на 2023 година.
Населението се зголеми за околу 300.000 луѓе во 2023 година во услови на прилив на имигранти во земјата. Ова го посочуваат ажурираните проценки на федералниот завод за статистика „Дестатис“, објавени денеска, пренесе ДПА. Германија е држава со најбројно население во Европската Унија(ЕУ).
Без имигрантите кои пристигнуваат во државата, населението би се намалувало секоја година.
Нето имиграцијата во Германија, која ја претставува разликата меѓу бројот на имигранти кои пристигнуваат и заминуваат од земјата, е меѓу 680.000 и 710.000 луѓе во 2023 година. Таа се намалила во однос на претходната 2022 година, кога изнесуваше 1,46 милиони луѓе.
Инаку, пописот во Црна Гора покажа дека земјава има за околу 2 отсто повеќе жители. „Монстат“ ги презентира прелиминарните резултати од пописот, според кои во Црна Гора живеат 633.158 жители. На пописот од 2011 година Црна Гора имаше вкупно 620.029 жители.foto freepik.com