Над 18 милиони денари за набавка на возила за медицинска помош
Објавено во: Македонија 18 Ноември, 2018
Итната медицинска помош ќе добие 12 нови возила . Од нив 6 ќе бидат распоредени во главниот град додека останатите ќе бидат поделени во градовите каде што има потреба.
За оваа набавка надлежното министерство ќе издвои 18 милиони и 300 илјади денари а министерот Венко Филипче по завршената електронска аукција вели дека со оваа набавка се заштедени безмалку 200 илјади евра.
„При набавката на амбулантните возила постигната е најниската цена на чинење, со што Министерството заштеди 12 милиони и 240 илјади денари или околу 200 илјади евра. Со набавката на возилата се подобруваат условите и на пацинетите им се овозможува услугата која им е неопходна“, рече Филипче.
Во главниот град досега на располагање беа само шест возила, а со оваа набавка бројот се дуплира и се исполнуваат критериумите пропишани од светската здравствена организација според чија препорака на 50.000 жители треба да има по едно возило на Брза помош.