Над 22 илјади пензионери уште четири години на бесплатна бања

Добивај вести на Viber

Министерот за труд и социјална политика Диме Спасов ги посети пензионерите во „Дебарски Бањи-Цапа“ кои ја користат бесплатната услуга за бањско-климатска рекреација што им ја овозможува државата. Тој при  посетата на пензионерите најави и дека проектот продолжува и во наредните години. - Изминатите  години од кога почнавме со реализација на проектот за бесплатна бањско-климатска рекреација на пензионерите опфатени се над 22 илјади пензионери. Ме радува фактот што денес има толку многу среќни луѓе, кои се задоволни од услугите кои ги нудат бањите, но пред се од реализиацијата на овој проект. Поради големиот интрес планираме овој проект да продолжи да се реализира, не само оваа туку и наредните години, изјави Спасов, додавајќи дека во наредните четири години се планира опфат на нови над 22 илјади пензионери. Големо задоволство од соработка со Владата во реализацијата на проектот, кој значи дополнителна поддршка за бањите во Република Македонија искажа Меџит Цапа, сопственик на бањите. - Пензионерите се воодушевени од условите, од услугите, од односот на вработените, зашто за нашите вработени важи изреката „секогаш гостинот е во право“ и дека ние постоиме за него а не тој за нас. Во првата група се стотина  пензионери  а целосно треба овдека да престојуваат 1.300 пензионери, рече Цапа. Пензионерите кои се опфатени во првата група ги има речиси од сите делови на државата, од Ресен, Битола, Скопје, Куманово, Тетово..