НАЈЕВТИНО СКИЈАЊЕ ИМА НА АЛПИТЕ: Бугарските Боровец и Банско поскапи од Италија

Добивај вести на Viber

Италијанската Bardonecchia е рангирана пред бугарските скијачки центри Боровец и Банско како најповолна дестинација за љубителите на зимските спортови во годишната анализа на скијачките центри во која се оценува односот квалитет и пари.

Анализата е направена од Post Office Travel Money и туристичката агенција Crystal Ski Holidays.

Со анализата беа опфатени 36 европски скијачки центри и беа собрани податоци за цените на ски билетите, изнајмувањето на опрема, скијачките и интернатските училишта и храната и пијалоците на скијачките патеки.

Се покажа дека Bardonecchia ги покачи цените во однос на минатата година за само 1,4%. Боровец ги покачи цените до 8,2% и е на второ место, додека Банско со пораст од 18,1% заврши на шестото место, пред се благодарение на големиот пораст на цените на ски-школите.

И лани паднаа цените во девет од 31 ски-центар што беа вклучени во анализата. Најмногу паднаа цените во францускиот ски-центар Les Arcs и швајцарскиот Wengen, за 5,5%. Најскап е швајцарскиот Zermatt, каде цените се двојно повисоки од Bardonecchia.

Поевтини од Банско се и Јахоринa во Босна, Passo Tonale во Италија и Geilo во Норвешка.