НАЈМАЛКУ 83 МРТВИ, ДРАМАТИЧНИ ПРЕДУПРЕДУВАЊА: Немилосрдни временски услови во САД, ледениот бран одзема животи!

Добивај вести на Viber

За време на минатонеделниот леден бран, кој зафати големи делови од САД и се уште трае, животот го загубија најмалку 83 лица, јавува CBS News.

Одделот за здравство на Тенеси потврди 19 смртни случаи поврзани со студ, додека официјални лица од Орегон потврдија 16 смртни случаи, вклучително и три лица кои починаа кога дрво падна врз нивниот автомобил, додека едно бебе, кое исто така беше во возилото, преживеа.

Повеќе смртни случаи беа пријавени од исток кон запад на САД во сојузните држави Илиноис, Пенсилванија, Мисисипи, Вашингтон, Кентаки, Висконсин, Њујорк, Њу Џерси и други.

Некои случаи се уште се под истрага за да се потврди дека се поврзани со студеното време, вклучително и оние кои загинаа во сообраќајни несреќи.

Издадено предупредување

Некои држави издадоа предупредување до возачите да бидат особено внимателни поради мразот на патиштата, а државните претставници на Мисисипи им порачаа на своите сограѓани „да внимаваат на замрзнатите патишта и да возат само доколку е потребно“.

Низ САД продолжува студеното време, а десетици милиони луѓе се соочуваат со екстремно ниски температури.

Источниот брег на САД најверојатно ќе доживее некои од најстудените денови оваа зима, вклучувајќи ја и државата Флорида, во јужна централна Америка, која има поблага и потопла клима.

На западниот брег на САД, во Орегон, сè уште е во сила вонредната состојба откако ледената бура остави повеќе од 45.000 луѓе без струја, а жителите на Калифорнија, Ново Мексико и Индијана, како и Пенсилванија на источниот брег се исто така без струја.

Синоптичарите прогнозираат дека снегот и студеното време ќе продолжат до почетокот на следната недела, велејќи дека арктичкиот воздух ќе се комбинира со влагата од Мексиканскиот залив и ќе создаде замрзнато време од Оклахома до Илиноис.

НАЈМАЛКУ 83 МРТВИ,  ДРАМАТИЧНИ ПРЕДУПРЕДУВАЊА:  Немилосрдни временски услови во САД, ледениот бран одзема животи!