Најмладата милијардерка може да заврши во затвор?
Објавено во: Финансии 13 Октомври, 2016
Најмладата милијардерка во светот, Елизабет Холмс може да заврши во затвор.
Американскиот хеџ фонд Partner Fund Management, кој беше и првиот инвеститор ја тужи компанијата „Тераноса“ и неговата директорка, Елизабет Холмс.
Фондот ја обвинува Холмс дека прикажувала лажни резултати на тестовите и така ги загрозила животите на пациентите, но ги оштетила и инвеститорите.
PFM во овој старт-ап вложил 100 милиони долари, а ова е само прва од низата тужби кои се очекуваат.
Правниците на „Тераноса“ подготвуваат одбрана, а ако се покажат обвиненијата како основани, на Холмс и се заканува затвор, пренесуваат светските агенции.
„Тераноса”, кој требаше да воведе револуција во индустријата на крвни анализи, објави дека ги поништува сите анализи направени на нивниот уред “Едисон” во 2014 и 2015 година.
Тогашните регулатори и забранија на компанијата да работи две години.
Елизабет, која е родена во 1984 година, е фокусирана околу своите револуционерни технологии за испитување на крвта. Таа не се појавува често во медиумите.Лани беше на првото место како најбогатата жена во САД со имот, чија вредност се проценува на 4,7 милијарди долари.