Најстудено во Берово, најтопло во Дојран

Добивај вести на Viber

Во Берово утрово се измерени -10 степени, по што следуваат Тетово со -9, Крива Паланка и Маврово -8, Струмица -7, Пожаране, Скопје, Куманово, Дебар и Штип -6, Ѓуриште, Лазарополе и Скопје Петровец -5, Виница, Крушево и Демир Капија -4, Битола и Тополчани -3 и Прилеп -2. 

Нула степени утринава се измерени во Охрид, Претор и Гевгелија, а еден степен во Дојран. 

Во текот на денот ќе имаме повремени врнежи од снег, а во југоисточните делови врнежите ќе бидат од дожд и снег. Во јужните делови на Македонија врнежите на места ќе бидат со умерен интензитет. Висината на снежната покривка нема значително да се зголеми, на планините за пет до 10 сантиметри. Ќе дува слаб ветер од југоисточен правец, кој попладне ќе го промени правецот во северен.

Највисоката температура на воздухот ќе биде во интервал од -2 до 4 степени , а во Полошката котлина до околу -4 степени.

Снежната покривка е највисока во Маврово 71 сантиметар, Лазарополе 51, Пожаране 49, Ѓуриште 44, Крушево 33, Тетово 30, Битола 27, Берово 25, Скопје Петровец 20, Скопје и Демир Капија 18, Тополчани 13, Крива Паланка и Струмица 10, Дебар и Штип 7 и во Прилеп 3 сантиметри.