Добивај вести на Viber
Проектот „Купи куќа, купи стан“ предизвика значителен ефект во делот на создавање на конкуренција и во делот на намалување на каматните стапки за станбени кредити во македонските банки, смета вицепремиерот и министер за финансии Зоран Ставрески.
Тој посочи дека како резултат на овој проект каматната стапка за станбени кредити е доведена на историски најниско ниво.
„Имено и таму каде што граѓаните се решаваат да користат средства од банките а не од проектот „Купи куќа купи стан“, банките имајќи предвид дека преку овој проект каматните стапки се ниски под 4%, извршија намалување на нивните каматни стапки за да можат и од сопствени средства да даваат станбени кредити“, истакнува Ставрески, според кого станбените кредити со стапка од околу 3 проценти и пониска е добра шанса за голем број на граѓани да си го решат станбеното прашање еднаш засекогаш.
Според првиот финансиер, по саемот „Купи куќа, купи стан“ интересот за овој проект пораснал и се зголемува бројот на граѓани кои аплицираат за субвенции за нов дом.