Напади на новинари, етнички тепачки, искршени штабови

Добивај вести на Viber

Претепани новинари, искршени штабови на опозицијата, тепачки од етнички причини меѓу млади лица. Сето ова се случува само еден ден по интервјуто на лидерот на ВМРО-ДПМНЕ, Никола Груевски во кое тој го повика народот да ја одбрани унитарноста на државата, што според него е загрозена со можната коалиција на Соццијалдемократите со ДУИ и останатите партии од албанскиот политички блок.

На протестот организиран од грааѓанската инцијатива „За заедничка Македонија“, беа нападнати и претепани новиинарот Александар Тодевски и снимателот Владимир Желчевски од порталот А1он.  Инцидентот се случил на крај на протестот. Напаѓачите почнале да бегаат веднаш откако од зад грб ги удриле новинарот и снимателот, но дел од присутните фоторепортери успеале да ги сликаат напаѓачите.

Со возило на брза помош, Тодевски и Желчевски беа пренесени во Ургентнииот центар, каде им беа констатирани повредите. Еден од повредените имал и благ потрес на мозок. Иако, повредите не беа сериозни, сепак докторите препорачаа ноќта да ја минат во болница.

Во Ургентиот центар се појави и претседателот на ЗНМ, Насер Селмани, кој посочи дека веќе денес ќе има средба со министерот за внатрешни работи Нухиу.

„Ги повикувам сите одговорни да го запрат  ова лудило. Тогаш кога вицепремиер физички напаѓаше новинар во Скопје, предупредивме дека нивното неодговорно однесувањее може да биде пример за останатите граѓани. За жал сега тоа и се случи, изјави Насер Селмани.

Според информациите дел од напаѓачите се приведени, а Селмани, посочи дека ќе се бара најстрога казна за оние кои брутално претепаа новинар и снимател.

Ова е напад врз новинарството реагираа Самостојниотт синдикат на новинари на Македонија.

„Синдикатот бара полицијата во најкраток можен рок да ги пронајде напаѓачите и да го расчисти инцидентот, бидејќи ова не е прв пат да се претепуваат новинари и она што најмногу загрижува е што најчесто напаѓачите остануваат неказнети. Дополнително, овој инцидент е резултат неодговорните политичари и нивните приврзаници чиј говор на омраза преку медиумите и социјалните мрежи токму на ваков начин се сели на улицитe“, реагираа од ССНМ.

Нападот го осудија и од СДСМ, од каде повикаа граѓаните да не влегуваат во насилните сценарија, и да останат на браникот на мирните демократски процеси.

„ Бараме од Никола Груевски и од криминалното раководство на ВМРО-ДПМНЕ веднаш да престанат, за спас на сопствената кожа, да провоцираат и поттикнуваат нецивилизирано дивеење кое што вечерва кулминира со тешки телесни повреди на медиумски работници.Повиците за линчови, говорот на омраза, нарачаните инциденти во кои има каменувања и кршење објекти, обидите за вознемирувања на семејства во домови мора веднаш да запрат“, реагираа од СДСМ.

Нападот го осудија и од ВМРО –ДПМНЕ и повикуваат надлжните да ги санкционираат подинците кои го прдиззвикале овој инцидент.

„ВМРО-ДПМНЕ го осудува нападот на екипата на интернет порталот а1он. вмро-дпмне принципиелно, како и досега, смета дека е крајно недемократски и непримерно да се напаѓаат медиуми и екипи поради нивното известување за настани и случувања“, се вели во нивното соопштение.

Во текот на вчерашниот ден, нападот на новинарите не беше единствен инцидент. Доцна попладнето, група млади лица, се степале а инциденттот според сознанијата имал етничка позадина. Во овој инцидент повреден е и син на градоначлник на една општина од Скопје. Претходниот ден пак беа искршени штабови на СДСМ низ повеќе локации, а на членовите и функционерите на СДСМ и беа оставни графити со навредувачки содржини пред нивните домови.