НАСИЛСТВА ВО ЕКВАДОР: Земјата се соочува со внатрешен вооружен конфликт
Објавено во: Свет 17 Јануари, 2024
Внатрешен вооружен конфликт има во Еквадор. Претседателот Нобоа прогласи вонредна состојба во понеделникот како одговор на насилството. Нобоа именуваше повеќе од 20 банди за шверц на дрога како терористички организации и ги прогласи за воени цели.
Еквадорскиот претседател Даниел Нобоа изјави дека неговата држава е зафатена од „внатрешен вооружен конфликт“. Претседателот ја даде изјавата неколку часа откако група маскирани лица вооружени со пиштоли и експлозиви упаднаа во јавна телевизија во пристанишниот град Гвајакил за време на програма во живо и пукаа во студиото. Полицијата подоцна ја презеде контролата врз станицата и уапси 13 осомничени вооружени лица. Нив ги обвини за тероризам. Во инцидентот никој не е повреден.
Кризата почна во текот на викендот со очигледното бегство на Адолфо Масијас, водачот на озлогласената нарко банда Лос Чонерос.
Властите во вторникот соопштија дека друг бос за шверц на дрога, Фабрицио Колон Пико од групата Лос Лобос, избегал од полицискиот притвор од градот Риобамба. Колон Пико е обвинет дека е вмешан во заговор за убиство на јавниот обвинител на земјата.