Научниците открија кои маски се најбезбедни

Добивај вести на Viber

Тим истражувачи од Катедрата за физика при Универзитетот Дјук во САД, направија експеримент за да ја тестираат ефективноста на различни типови маски.

Еден од авторите на студијата излезе со идеја кога му помагаше на локалното здружение да купи маски на големо за локалната заедница. Професорот сакаше да биде сигурен дека здружението ќе купи маски кои се навистина ефикасни, пишува Си-Ен-Ен.

Истражувачите користеле релативно едноставен метод за да ја тестираат ефективноста на различните маски, користејќи ласерски зрак и мобилен телефон, да го анализираат преносот или ширењето на респираторните капки кои излегуваат од устата на човек што разговара, а не носи маска и додека носи различни видови маски.

Истражувачите тестирале 14 широко достапни маски, вклучувајќи професионална маска со филтер N-95 за микроскопски фини честички, најчесто користени од здравствени работници. Секоја маска беше тестирана 10 пати, при што истата личност зборуваше без маска како контролно сценарио.

Маските N-95 беа, како што се очекуваше, најефикасни, со еден важен детаљ – маската N-95 без вентил беше многу поефикасна во задржувањето на респираторните капки на носителот отколку маската N-95 со вентил, бидејќи овој вентил создава силен проток на воздух кон надвор.

Истражувачите истакнуваат дека вентилот не ја намалува заштитата на носителот, но може да ја намали заштитата на оние околу него, со што маската N-95 без вентил генерално е поефикасна.

По нив следеле трислојни хируршки маски, но дури и двослојните памучни маски, сошиени според упатствата на Американскиот центар за контрола и превенција на болести, немале многу полош резултат. Интересно е што, маските со вентил N-95 работеа полошо – односно помалку ги штитат другите – отколку памучните маски.

Маските кои честопати се врзуваат околу вратот (анг. gaiter mask), честопати користени од џогери и велосипедисти, беа најмалку ефикасни, а плетените маски и марамите, исто така беа на дното во однос на бројот на честички што ги сопираат.