Добивај вести на Viber
Народната банка на Република Македонија (НБРМ) ја задржа прогнозата за раст на БДП од 3,7% до крајот на годината и 4,4% за следната година.
Очекувањата се дека растот и натаму ќе произлезе од извозната инвестициска побарувачка што соодветствува со оценките за подобрување на надворешното економско опкружување за влез на нови и зголемување на искористеноста на постојните капацитети ориентирани кон извоз, како и позитивен импулс од јавните инвестиции.
„Најновите показатели за првиот квартал од 2014, како и оценките за идната патека на клучните надворешни и домашни фактори упатуваат на динамика на економскиот раст која не отстапува од претходните очекувања“, проценува централната банка.
Солиден придонес кон растот, особено наредната година, се очекува да даде потрошувачката на домаќинствата во услови на постојано подобрување на состојбите на пазарот на работна сила, кредитна поддршка и постабилни очекувања.