НБРМ редовно ќе ги објавува податоците за останатите финансиски институции
Објавено во: Економија 30 Август, 2013 10:17
Во рамките на монетарната статистика, Народната банка на Република Македонија од денеска ќе започне со редовно објавување на податоците за останатите финансиски институции (осигурителните друштва, пензиските и инвестициските фондови, друштвата за управување со пензиските фондови и друштвата за управување со инвестициските фондови).
Покрај билансите и прегледите на депозитните институции, со квартална периодичност ќе се објавуваат и билансот и прегледот на останатите финансиски институции, како и консолидираниот преглед на финансиските институции. Согласно со календарот за објавување на статистичките податоци, рокот за објавување на овие податоци е поставен на т+60 дена.
Со вклучувањето на податоците за средствата и обврските на останатите финансиски институции, ќе се зголемат опфатот и квалитетот на монетарната статистика, ќе се изврши натамошно приближување кон статистичките барања на меѓународните и европските институции, а на корисниците на податоци ќе им се стават на располагање дополнителни податоци за анализа и следење на стабилноста на целокупниот финансиски систем, соопштуваат од НБРМ.
Можеби ќе ве интересира
Фатих Шахбаз е нов главен извршен директор на Халкбанк АД Скопје
„Бауер БГ“ ја реконструира Палата АСНОМ по стара шема, со нови анекс-договори од 700.000 евра засега
КУПЦИТЕ НА СТАНОВИ МОЖЕ ДА ЗДИВНАТ – повластената даночна стапка останува и следните три години
Кончар потпиша договор со позната американска компанија
ВАЛУТАТА ПОТОНА: Се тргуваат 1,3 милиони риали за еден американски долар
Најскапиот град во светот за излегување е во Азија
Сијарто: Унгарија потпиша договор со САД за снабдување со течен природен гас
Каде во Србија пензионерите најчесто купуваат недвижнини?
