„НЕ ПРИКРИВАМЕ“: ОЈО истражува дали има дело кај инспекторот од УЈП, за пожарот не бил осомничен

Добивај вести на Viber

Обвинителството вели дека сите докази кои беа објавени во видео сторијата на ИРЛ за пожарот во Кочани ги имаат предвид и по нив постапува и врши проверки. 

„При поднесување на обвинението и на средбата со семејствата на загинатите, јавните обвинители појаснија дека проверки се вршат уште во однос на неколку институции, вклучително и Управата за јавни приходи. Меѓутоа, законските надлежности на УЈП се однесуваат на контроли за даночни и финансиски прашања, а не на безбедносни аспекти, па од тие причини тие не беа опфатени со поднесеното обвинение“, велат од обвинителството. 

Според нив, дејствија кои не можат да се доведат во контекст со последицата изразена преку кривичното дело Тешки дела против општата сигурност од чл.292 од КЗ ,не биле предмет на ова обвинение, па проверките во однос на УЈП се вршат во контекст на евентуални коруптивни и други кривични дела на поединци. 

„Потврда дека не постои ниту најмала намера овој аспект да се прикрие или да остане неистражен е фактот што презентираната комуникација е дел од извештај на анализирана телефонска комуникација, кој во целост е доставен во Судот како дел од доказниот материјал за поднесеното обвинение. Јавното обвинителство апелира за воздржаност од изнесување непроверени информации кои можат да ја загрозат натамошната постапка, како и постапката за оцена на поднесеното обвинение“, соопшти ОЈО.

Во сторијата на ИРЛ, се покажуваат преписки кои велат дека се одвивале помеѓу сопствениците на „Пулс“ и инспектор од УЈП, кој всушност е брат на в.д. претседателката на скопскиот Кривичен суд, Даниела Димовска.

(ВИДЕО) „Имаше луѓе врз мене, само очекував да се угушам или да изгорам“: Сведоштва за пожарот во Кочани