НЕ СО ФАЈЗЕР, ТУКУ СО СПУТНИК V: Филипче кажа со која вакцина се вакцинираат пратениците
Објавено во: Македонија 23 Април, 2021
Денеска како дел
од вработените во критичната инфраструктура се врши имунизација на пратениците
и дел од стручните служби кои во претходниот период не беа вакцинирани, а ќе ја
примат вакцината на Спутник V, изјави денеска министерот за здравство Венко Филипче, кој заедно со
претседателот на Собранието, Талат Џафери, беа во посета на вакциналните
пунктови во Спортскиот центар А1 Арена
„Борис Трајковски“.
Министерот истовремено посочи дека паралелно со вакцинацијата на пратениците, се одвива и имунизацијата на повозрасните граѓани над 73 години.
-Процесот на вакцинација добро се одвива на територијата на целата држава во сите пунктови. Од вакцината на АстраЗенека се останати уште околу 5.000 дози и како дополнување на тоа уште околу 5.000 од вакцините од Фајзер кои пристигнаа ќе бидат дистрибуирани по вакциналните пунктови за да непречено се одвива процеот на вакцинација против корона вирусот. Со оваа количина и со уште 150 до 200 дози целосно се искористува на вакцината од Спутник V. Околу 1.000, односно половина од количината на Синофарм кои стигнаа како донација од ОАЕ се искористени. Денеска добивме една листа од Фајзер со која ни беше презентиран распоредот според кои ќе пристигаат останатите количини во мај. Секој понеделник меѓу 5.000 до 7.000, односно вкупно околу 26.000 предвидени се да стигнат во мај. Тоа е една количина која ќе испланираме како да бидат дистрибуирани, рече Филипче.
Тој најави дека веднаш Велигден треба ќе почне и имунизацијата со кинеската вакцина на „Синофарм“, која треба да стигне на 28. април.
-Она за што се спремаме е целокупната количина од 200 000 дози на вакцината „Синофарм“ која треба да стигне околу 28 април, а за што е спремен и планот и дистрибуцијата согласно бројот на пријавени граѓани. Веднаш после пристигнувањето, веројатно тоа ќе се преклопи со велигденските празници, ќе биде дистрибуирана ширум државата и вакцинацијата со оваа вакцина ќе започне во вторник непосредно по завршувањето на велигденските празници, изјави Филипче.
Во меѓувреме, како што нагласи министерот, ќе бидат подготвени и спортските сали во шест градови, односно салата во Охрид е веќе готова, а наредната недела и тие во Штип, Куманово, Битола, Тетово и Кавадарци ќе бидат спремни и опремени со фрижидери.
А.Б.