НЕ СТИГНА ДО ВИЕНА ДА ЈА ДОЧЕКА НОВА ГОДИНА СО БЛИСКИТЕ: Преживеан од несреќата кај Лесковац раскажа како се спасил

Добивај вести на Viber

Eден од пациентите кој моментално е хоспитализиран во КЦ Ниш е и Ремзи Демиров (55) години кој вели дека преживеал само затоа што се разбудил неколку моменти пред несреќата.

Демиров беше меѓу патниците кои изминатиов викенд преживеаја страотна сообраќајна несреќа кога автобусот на Еуробус претекнувајќи возило се излизга и преврте при што загинаа 3 лица.

-Спиев некое време и кога автобусот почна да лизга по пат сфатив дека ќе слетаме, па цврсто се фатив за рачката од седиштето, момент после тоа почувствуваме удар и луѓето почнаа да паѓаат и да врескаат-прераскажува Демиров за српски курир и вели оти се сеќава дека раката му била заглавена под седиштето, па спасувачите меѓу последните го извлекле од искршениот автобус.

Како што вели, стравичната несреќа нема да ја заборави додека е жив.

-Во Виена тргнав да ја посетам фамилијата за Нова година. Им порачувам дека сум добро, бидејќи овде добро се грижат за мене - кажал Прилепчанецот.

Полицијата по несреќата му одреди притвор до 48 часа на возачот на автобусот , бидејќи вештаците заклучија дека возел од брзина од 98 километри на час, што е голема брзина за условите на патот кои биле таа ноќ.

FOTO: MARKO SMILJKOVIĆ