Нефункционалните кредити горчлив проблем за банкарскиот сектор

Добивај вести на Viber

Поуспешната наплатата на нефункционалните кредити ќе се постигне со  засилен мониторинг, анализа, посветеност и следење на пласманите  врз основа на прецизно дефинирани процедури, како и пласирање на средства во добри бизнис планови, поткрепени со стабилна финансиска конструкција и финансиски одржлива инвестициона програма преку кои стопанството би доживело економска стабилизација. пишува Димитар Ѓоршевски, Стопанска Банка Битола Живееме во време финансиска криза, време на голема задолженост, време кога граѓаните и стопанството се во тешка положба. Периодот на економската криза која го зафати светот ни во најмала рака не го одминаа и нашето стопанство, како и банкарскиот сектор. Намалувањето на извозната побарувачка, влошувањто на очекувањата на економските субјекти и падот на капиталните приливи беа првичните канали на пренос на кризата.Граѓаните и фирмите се повеќе се задолжуваат со цел да ја избегнат бездната настанатата  од економска криза која се заканува по нивните  имоти. Економската криза преку движечката сила на економијата, стопанството,  премина и во рамките на банкарскиот сектор, пресликана во форма на нефункционални кредити и пренатрупаност од превземен имот . Бројките кои денес го отсликуваат банкарскиот сектор во делот на нефункционалните кредити преку направените испитувања покажуваат дека салдото на нефункционалните кредити во банките во Република Македонија се зголемило за 19 отсто или за 62 милиони евра, со што нефункционалните кредити изнесуваат 11 отсто од вкупното кредитно портфолио. Овој процентот од 11 отсто е сеуште толерантен во споредба со земјите од опкружувањето Србија и Хрватска со 20 отсто, Црна Гора со 18,5 отсто, Словенија со 13,2 отсто, Бугарија 23 отсто. Анализата на  банките покажува дека во стуктурата на нефункционални кредити поголемо учество имаат кредитите земени од  компаниите отколку оние од населението. Од друга страна, поради опаднатата финансиска кондиција за отплата на кредитите и компаниите покажуваат извесна претпазливост во однос на поднесување на барање(апликација) за кредити. Со цел подобрување на влошената состојба, Банките вршат постојана контрола на портфолиото на клиентите, следење и давање на насоки за решавање на проблемите при наплата на побарувањата кои произлегуваат од исплатени кредитни продукти и преку различните мерки и стратегии кои се спроведуваат и во тој поглед минимизација на процентот на кредитното портфолио во доцнење. Со цел решавање на горчливиот проблем, Народна банка на РМ превзема низа мерки за поуспешно работење, побрза и поуспешна наплата на нефункционалните кредити кое ќе резултира со зголемување на кредитниот потенцијал за инвестиранње во претпријатијата и поттикнување на личната потрошувачка на населението. Комуникација со клиентите, пролонгирање на роковите за исплата  на лоште пласмани е основната алатка за изнаоѓање на решение во реален временски интервал за нас како доверители . Поуспешната наплатата на нефункционалните кредити ќе се постигне со  засилен мониторинг, анализа, посветеност и следење на пласманите  врз основа на прецизно дефинирани процедури, како и пласирање на средства во добри бизнис планови, поткрепени со стабилна финансиска конструкција и финансиски одржлива инвестициона програма преку кои стопанството би доживело економска стабилизација. Во голем број од случаите, изостанува можноста за успешна наплата на лошите пласмани по пат на спогодба, рефинансирање и превземање на побарување. Во случаите на неможност за наплата  на побарувањето со претходно наведените инструменти, доверителите, односно банките  продолжуваат со постапка на активирање на обезбедувањето во процесот на наплата на долгот и истата резултира со превземање на имот за кои исто така се предвидени посебни услови за продажба согласно Одлуката за сметководствениот и регулаторниот третман на средствата преземени врз основа на ненаплатени побарувања на Народна банка на Република Македонија. За излез од ваквата состојба банкарите ги следат сигналите на Народната банка во обид да се заштитат од ризични пласмани со што најавуваат дека ќе бидат крајно внимателни во одобрувањето на кредити, следењето на истите, па се до нивна целосна наплата. Следење на мерките на НБРМ за излез од кризата, следење на нефункционални кредити, детално анализирање на секоја кредитна изложеност, зголемена продажба на превземениот имот е вистинскиот пат по кој што треба да се движиме, а Стопанска банка а.д. Битола  веќе одамна се наоѓа на тој пат.