„НЕКА БИДЕ ОВА НЕДЕЛА НА МОЛК“, БАЈАГА ГО ОДЛОЖИ КОНЦЕРТОТ ВО СКОПЈЕ: Цеца напиша „Зошто, Боже“, за Вања тагуваат сите

Добивај вести на Viber

Целиот Балкан тагува по загубениот детски живот. За Вања се огласија и едни од најпопуларните личности во регионот. Бајага го откажа концертот закажан за 9.декември, а Цеца напиша: зошто Боже“

„Нека биде ова недела на молк... сега сите ние од Авалон и сигурен сум дека сите што купивте билети за концертот на „Бајага и инструктор“ го чувствувате истото: дека не сме способни за каква било прослава на животот и музиката оваа недела, по тажната информација која беше објавена и потврдена. Решивме да го преместиме концертот во нов датум не од гледна точка на некаква општествена одговорност, напротив, концертот требаше да се одржи за 6 дена и секако дотогаш животот ќе се одвива нормално. Уште помалку, на овој чекор се решивме од некои рационални причини, бидејќи секако билетите се пред распродажба. На овој чекор се решивме од чисто човечки причини и тие не принудија на тоа: почит кон двајцата насилно загинати, сочувство за нивните семејства и најблиските, но пред се тага што моментално ја чувствуваме, а која е толку видлива за сите нас кои живееме во оваа земја“, се вели во соопштението за медиумите.

Се огласи и најпопуларната балканска пејачка Цеца Ражнатовиќ која на своето „стори“ на Инстаграм стави слика од девојчето Вања, со македонско знаме и емоџи со скинато срце. „Зошто, Боже“?, напиша таа.

Нашата Калиопи сподели фотографија со симболот кој ја отсликува нејзината тага, а потоа под друга фотографија напиша:

– Тага, горчина и срам, затоа што сите сме виновни… Затоа што сме неми набљудувачи на ова грдо време кое дозволивме да стане агонија за нашите деца… Прости ни девојче… Прости ни Вања.. Сочувство до семејството… Сè другото е молк…, напиша Калиопи.