НЕМА БРОДОВИ, НЕМА ПАРИ: Суша го зафати Панамскиот канал
Објавено во: Свет 27 Јануари, 2024
Суша го зафати Панамскиот канал, поради што месечно губат 100 милиони долари поради намален број на бродови. Од октомври лани има проблеми. Ја намалија и дозволената тежина на бродовите поради нискиот водостој во езерото Гатун. Низ Панамскиот канал сега минуваат 36 отсто помалку бродови отколку во истиот период лани.
Администрацијата на Панамскиот канал (АЦП) се труди да го реши проблемот преку сојуз со фармерите за кафе, нудејќи им стимулации за засадување насади кои ја спречуваат ерозијата на почвата.
Управата на каналот го намали бројот на бродови од 31 на 25 дневно и најави дека до почетокот на февруари 2024 година ќе ги намали на само 18.
Панамскиот канал се смета за едно од најголемите инженерски потфати на 20 век. Градењето на каналот бил еден од најголемите и најтешки инженерски проекти во историјата.