Нема нови рестрикции, преполовен бројот на новозаболени

Добивај вести на Viber

Помал број новозаболени споредено со вчера е регистриран во последното деноноќие, дознава Фактор. Според извори од Комисијата за заразни болести денеска има двојно помолку регистрирани случаи позитивни на коронавирус во земјава. Сите случаи се од познати кластери и новозаразените биле со лесна клиничка слика, дел од нив и без симптоми. Вчера во земјава беа регистрирани нови 89 случаи, а според неофицијалните податоци денеска се околу четириесетина, а нема починати, освен жената од ГОБ 8 септември за која Фактор веќе извести, но која најверојатно не влегува во денешната статистика. Комисијата засега нема да предложи нови рестрикции.

Докторите со кои разговаравме велат дека ги охрабрува што се познати кластерите и тврдат дека ситуацијата е под контрола. Сепак останува нивното разочарување дека дел од граѓаните не ги почитувале препораките, па земјата се доведе во ситуација на нов раст на бројот на новозаболени.

Тврдат дека вчерашаната бројка е пораз за нивниот тримесечен труд и дека враќајќи се назад две недели, вчерашните новозаразени се од 16-17 мај. Велат дека во наредните денови ќе има и официјална бројка на евентуално нови случаи со Ковид-19 по олабавувањето на мерките односно по укинувањето на полицискиот час.

Се надеваат дека по тоа ќе има се помалку новозаболени. 

Нема препораки за нови рестрикции ни на локално ниту на национално ниво.

Најголемиот број на новозаболени се од Скопје и од Штип.

А.Т.