НЕМА ВЕЌЕ К15! Синдикатот попушти пред работодавачите!

Добивај вести на Viber

К15 заминува во историјата. Фирмите можат да го исплаќаат, а можат и да не го исплаќаат, зависи од договорот меѓу вработените и газдите. Таков договор паднал меѓу претседателот на ССМ, Живко Митревски и Ангел Димитров, претседателот на ОРМ. Претставници на Синдикатот велат дека ваквото решение минало без кворум а се противеле повеќето членки на Синдикатот. Максималната сума останува 8400 денари, минималната не е лимитирана. Неодамна се разви голема дебата треба или не к15. Од Левичарското движење “Солидарност” го повикаа Митревски да не става потпис на едно решение што ќе ги ускрати работничките права. -Не смее да се дозволи и понатаму да се заштедува на сметка на работниците и треба работодавачите ако имаат одреден проблем со финансиското работење да побараат од државата да нема  инспекции по најмала можна основа кај оние фирми кои имаат сериозен проблем во работењето. Не сметаме дека исплатата на К15 за работодавачите е некое големо оптоварување и го повикуваме претседателот на ССМ Живко Митревски да не става потпис со кој ќе го отстрани правото на работниците да примаат К15, се зависи од него, а не од работодавачите, Митревски треба конечно да има разбирање и за животниот стандард на работниците а не постојано да има разбирање за рентабилноста на функционирање на работдавачите и за Владата. Ако се спушти обврската за К15 од општ колективен договор на посебен колективен договор на ниво на гранка тоа ќе значи дека работовачите ќе немаат обврска да исплаќаат. Во Македонија работниците се доведени до питачки стап и штом еден работодавач нема обврска да го исплаќа тој обично и не ја прави таа обврска бидејќи не очекува дека работниците ќе го притиснат да тоа го направи, така што тоа практично ќе значи укинување на исплатата а не промена на одреден модатилет, изјави Здравко Савески, од Левичарското движење “Солидарност”.