Невреме ќе го зафати регионот

Добивај вести на Viber

Страшно невреме доаѓа во регионот, најавува метеорологот Славчо Попоски. 

Продорот на многу постуден воздух од север кој ќе се судри со значително потоплата воздушна маса од север, од денес, па во следните неколку денови ќе услови страшно невреме во целиот регион. 

„Постои опасност од невреме кое може да предизвика штети во сите земји од регионот. Препорачуваме крајна претпазливост. Исто така можни се и локални поплави. Со продорот на многу постуден воздух од север, во недела се очекува и првиот снег на највисоките планински места од Балканот. Можно невреме во сабота и во Македонија, па затоа е потребна крајна претпазливост. До сабота температурите ќе бидат натпросечно високи и на многу места истите ќе се искачуваат над 30 степени, додека во најтоплите централни и југоисточни предели температурите се очекува да се искачат дури и над 35 степени“, вели Попоски. 

Од недела па натаму и во Македонија следува позначително заладување на времето и пад на температурите за околу, а понекаде и за повеќе од 10 степени. Ако вака останат работите, во текот на следната седмица се очекува и првиот снег за оваа сезона на највисоките планински врвови во Македонија. Овие временски услови ќе означат крај за летово.