ГОЛЕМА ТРАГЕДИЈА! 13 УЧЕНИЦИ ИЗГОРЕА ВО ПОЖАР! Плачеа и пожарникарите!

Добивај вести на Viber

Најмалку 13 ученици од трето одделение во основно училиште загинаа, додека едно лице е повредено во пожар во интернат во Кина.

Пожарот избувнал во ученички интернат во основно училиште во близина на градот Нанјанг во провинцијата Хенан.

Чајна њуз дејли известува дека наставниците рекле дека жртвите биле главно ученици од трето одделение од основно училиште.

Противпожарната служба добила пријава за пожар во студентскиот дом на училиштето Џингкаи во селото Јаншанпу во петокот во 23 часот.

Спасувачите брзо пристигнале на местото на настанот, а пожарот бил изгаснат во 23 часот и 38 минути, но сцената била толку болна за пожарникарите што голем дел од нив со солзи во очите без зборови од болката стоеле на страна.

За еден час во близина на домот се собрале голем број граѓани, а голем дел од нив се обиделе сами да го гаснат огнот за да ги спасат децата!

Локалните власти започнаа истрага за причините за пожарот.

13 students died in a fire in central China

A fire in a student dormitory in Henan province, located in the center of China, has so far claimed 13 lives. pic.twitter.com/5Uvx6qb6j4

— Everything you need to know (@Everything65687) January 20, 2024

Кинеските медиуми јавуваат дека на местото на настанот бил градоначалникот на Нанјанг, како и голем број полицајци.

Семејствата на повредените деца се собраа околу домот и во групни прегратки се обидуваа да се утешат поради невидената трагедија.

Според медиумите, најверојатно причина за страотниот пожар биле неисправни инсталации во домот.

Ова не е прв случај трагичен случај во Нанјанг. Пред 27 години во дом за стари лица изгореа осум лица.