Никола Димитров не оди од врата на врата, ама се јавува по телефон кај граѓани
Објавено во: Македонија 29 Јуни, 2020
Никола Димитров, министерот за надворешни работи, објави дека поради епидемијата ги избегнува непосредните средби со граѓаните, но затоа им се јавува по телефон на потенцијалните гласачи на предвремените парламентарни избори на 15 јули.
„Ало, овде Никола Димитров ... е да, специфичен ми е гласот. Знаете, имаме избори, а со оглед на ситуацијата со вирусот, наместо да ви ѕвонам на врата, ви се јавувам на телефон. Не знам дали имате време за краток муабет или ви досаѓам?“, објави Димитров на својот профил на Фејсбук.
Шефот на македонската дипломатија е носител на кандидатската листа на СДСМ и коалицијата „Можеме уште повеќе, уште подобро“ во изборната единица број еден.