Никола Димитров: Предлозите на Панчо Минов вредат да се разгледаат

Добивај вести на Viber

Никола Димитров, министерот за надворешни работи, рече дека предлозите на Панчо Минов од ГРОМ се во согласност со преспанскиот договор и дека постои простор за нивно прифаќање. Ова го одговори за време на собраниската седница за отворање на амандмански измени.

Претходно, Минов кој е дел од парламентарната опозиција, наведе неколку предлози, од кои, како што вели тој, суштинско е барањето името Македонија да остане во внатрешна употреба се додека не се завршат преговарачките поглавја со Европската унија, односно се додека земјата не стане членка на оваа заедница.

- Власта и опозицијата да седнат и да најдат решение Треба да се задоволи наметнатата условеност од Грција, но и референдумското расположение на граѓаните. Треба да се определат во меѓувреме рокови и услови во амандманот и договорот да биде ратификуван во Грција, а друи потоа да се промени уставното име во Македонија откако ќе завршат процесите за зачленување во ЕУ. Сето тоа ќе има имплементација, а истото треба да го предложи опозицијата - рече Минов како единствен пратеник кој доаѓа од редовите на ГРОМ на Стевче Јакимовски.

Првиот дипломат Димитров како повикан на говорницата реплицираше дека сите услови може да бидат прифатени од Грција и меѓународната заедница.

- Предлогот е во рамките на Спогодбата од Преспа, таму тој не се коси со ниту еден член. исто така националниот идентитет може да биде гарантиран, а државјанството според конвенциите е правна врска на граѓанинот и државата. Исто така и историската комисија која се формира нема да загрози ничиј идентитет, туку ќе се отстранат оние наративи кои поттикнуваат омраза кон другиот - рече Димитров.