Николоски кажа колку пари се земени по пат на рекет
Објавено во: Македонија 10 Август, 2019
Сумата изрекетирани пари од бизнисмени е дваесетина милиони евра, вели потпретседателот на ВМРО-ДПМНЕ, Александар Николоски.
Вели дека овие пари се земени од повеќе бизнисмени.
Вели дека она што утрово го дознавме е дека тоа што ВМРО-ДПМНЕ го зборуваше целиот изминат период и тоа е вистина.
„За сé бил информиран Зоран Заев и како што напишав и јас во една колумна некаде кога изби скандалот тој бил „капо ди тути капи“ на целата оваа операција односно бил детално информиран за сите активности каде што има вмешани односно ракетирани многу повеќе бизнисмени од овој еден кој што го гледаме во моментот, сумите се вртоглави и надминуваат некаде 20-тина милиони евра“– рече Николоски.
Николоски вели дека е неопходна темелна истрага, која во моментов ја нема, како и политичка одговорност односно оставка од цела влада и организирање предвремени избори.
За тоа каде завршиле торбите со пари што Боки 13 и Зоки Кичеец ги изнесуваат од домот на Орце Камчев, Николоски посочува дека тоа може да се утврди преку следење на телефоните преку базните станици.