Николоски на средби во СБ – Продолжуваме со спроведување на реформите дефинирани со нашите партнери, 695 милиони долари поддршка од СБ
Објавено во: Финансии 21 Април, 2024 10:11
РС Македонија е посветена и останува цврсто на определбата за спроведување на структурните реформи. Реформите се дефинирани заедно со меѓународните партнери и значајна поддршка во нивната имплементација е потврдена од Светската банка преку новата четиригодишна Рамка за партнерство со кредитно портфолио од близу 700 милиони американски долари. Потврда за поддршка на реформите денеска беше изразена и на средбите на заменик-министерот за финансии Филип Николоски во Светска банка со потпретседателката на Светска банка Антонела Басани, извршниот директор на Светска банка Јуџин Ругенат и директорката на Светска банка за Западен Балкан Шиаочин Ју.
„Светска банка е наш значаен партнер од кој добиваме континуирана поддршка над 30 години во развој на општеството. Многу реформи се поддржани преку проекти коишто се досега реализирани и уверувам дека реформите што претстојат пред нас ќе се одвиваат согласно усвоената Рамка за партнерство со јасна цел за пристапување кон ЕУ и обезбедување поoдржлив, поoтпорен и зелен раст“, рече заменик-министерот за финансии.
Тој додаде дека веќе е одобрена првата група на договори за заеми од новата рамка, односно се обезбедени 93,8 милиони евра за развојни политики, 27,5 милиони евра за унапредување на социјални услуги, како и 31 милион евра за надградба и развој на патишта.
„Во наредните четири години на државата и стојат на располагање 695 милиони американски долари кои ќе се насочат кон подобрување на достапноста на квалитетот на јавните услуги, подобрување на опкружувањето за отворање нови и подобро платени работни места во приватниот сектор, зајакнување на отпорноста на климатските промени, како и намалување на загадувањето. За остварување на овие цели проектите се фокусираат во областа на транспортот, општинската инфраструктура, земјоделството, дигитализацијата, енергетиката, здравството, образованието, социјални услуги“, рече Николоски.
На средбата беше изразена благодарност до Светска банка за поддршката што ја дава во континуитет на земјата, а стана збор и за нови можности за продлабочување на таа соработката. Веќе се отпочнати активности за нови проекти за одржлив развој на општините и олеснување на трговијата и транспортот, а ќе се разгледуваат и можностите за проекти во областа на енергетската транзиција и преминување кон извори на чиста енергија и зелен раст, како одговор на климатските промени.
Средбите се одржаа во рамки на учеството на заменик-министерот за финансии Филип Николоски на Пролетните средби на ММФ и Светска банка во Вашингтон. Покрај средбите со високи претставници на ММФ, тој оствари средби и со заменик на генералниот директор на ММФ Бо Ли, извршниот директор на ММФ Пол Хилберс, алтернативниот извршен директор Лук Дресе, како и директорот на ММФ за Европа Алфред Камер.Заменик-министерот за финансии учествуваше и на состанокот на Холандско-белгиската конституенца, каде припаѓа РС Македонија. Пролетните средби на ММФ и СБ се редовни средби, а годинава се одржаа во период од 15 до 20 април, на кои учествуваше покрај заменик-министерот Николоски, учествуваше и гувернерката на Народната банка на РС Македонија Анита Ангеловска-Бежоска.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
