Нов маркет на ЖИТО МАРКЕТИ ги израдува жителите на општина Чашка
Објавено во: Мои пари 31 Јануари, 2015
На површина од 100 м2 во кој услуга ќе ви понуди тим од седум лица на една наплатна каса Жито Маркети денеска го отвори првиот маркет во Општина Чашка и ги израдува жителите.
„Искуството од нашите ниски цени, квалитетни производи и професионална услуга ќе можат да го имаат и жителите на Чашка. Ние како и секаде, така и овде, подготвени сме да им излеземе во пресрет на нивните потреби и барања при купувањето.“, - изјави Далибор Ѓошевски, генерален директор на Жито Маркети.
Големиот број на промоции, дегустации, продажни акции, подароци и гратис производи го одбележија отварањето на овој маркет, а покрај големите попусти гостите ја искористија и својата Жито лојална картичка „Навика да добивам повеќе“ за дополнителни бенифиции при купувањето.
Маркетот ќе работи седум дена во неделата, од понеделник до сабота од 07:00 часот наутро до 21:00 часот навечер, а во недела од 08:00 часот наутро до 14:00 часот напладне.