НОВА ПЕТОЧКА „БОМБА“ ОД СТОПАНСКА БАНКА БИТОЛА - за пакет од 4,99 отсто платени 1,5 милиони евра, за 400 илјади повеќе од пред една недела
Објавено во: Финансии 25 Април, 2025 14:19
Откако минатата недела се продаде блок од 4,99 од акциите, а завчера помина помал пакет од 0,35 отсто, денеска повторно се случи блок трансакција со акциите на Стопанска банка Битола.
Берзата вчера попладнето извести дека се случичла блок трансакција во која повторно е продаден значаен акционерски пакет од 4,99 отсто.
Или поточно, продадена е количина од 19.501 акција, по цена од 4.714 денари за акција.
Или, купувачот на овој пакет платил 1,49 милиони евра.
Ако се има предвид дека исти таков претходен пакет беше продаден за сума од 1,07 милиони евра, што значи за 420 илјади евра помалку, се поставува прашањето што се случува со Стопанска банка Битола, односно кој ги купува акциите, а зошто и толку порасна цената на акциите на оваа банка.
Или, на претходната блок трансакција кога исто се продаде пакет од 4,99 отсто, односно точно 19.500 акции, цената на една акција беше 3.377 денари за акција, или вкупната сума на зделката беше 1,07 милиони евра.
Во меѓувреме, односно завчера, се продаде количина од 1.366 акции, по цена од 3.500 денари за акција, што значи дека имаме нов раст.За во текот на вчерашниот ден, цената по која се купија и продадоа 19.501 акција, односно за една повеќе од претходниот поголем блок, да изнесува дури 4.714 денари по акција.
На редовниот пазар завчера цената изнесувала 3.565 денари за акција, и таму цената исто така покажува раст во последниов период. Вчера немало тргување со акциите на поваа банка.
Што се случува и кој купува, а кој продава акции, засега не е познато. На ЦДХВ засега единствен акционер со над 5 отсто е Пелистерка, со 16,99 проценти. Ќе видиме дали во понеделник ќе има промени во акционерската структура на банката.
Кога Комерцијална банка објави намера за преземање на акциите заедно со проспект, беше објавена и подеталната акционерска структура на банката. Според таа структура, Трајан Маслалковски располагаше со пакет од 4,99 отсто од акциите, Тони Јосифовски имаше само една акција помалку, што исто одговараше на 4,99 отсто од акциите. Ненад Јосифовиќ располагаше со 4,93 отсто од акциите, комманијата ДПТУУ Тимох ДОО Скопје поседуваше 4,86 отсто, холдингот ОРКА, пак, поседуваше пакет олд 4,68 отсто, друштвото Нет електроникс Владимир ДООЕЛ Скопје имаше во сопственост 4,15 отсто, Скопски пазар 4,10 отсто, Бест Веј Инвестмент ДООЕЛ имаше 3,85 отсто, и акционерот Русе Иљоски поседуваше 3,67 проценти. А, според таа состојба, двајца акционери имале пакет од по 4,99 отсто, па се поставува прашањето дали можеби тие се продавачите, но се ова е во зоната на шпекулациите.
Н.Н.Ф.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
