НОВА СЕРИЈА ГОЛЕМИ ПРОБЛЕМИ, ММФ ПРЕДУПРЕДУВА: Може да има поскапување на стоките, храната, нафтата...
Објавено во: Економија 07 Октомври, 2024
Ескалацијата на конфликтот на Блискиот Исток може да произведе значителни економски последици за регионалната и глобалната економија, додека цените на суровините ќе останат под максимумот од минатата година, објави Меѓународниот монетарен фонд (ММФ).
- Потенцијалот за понатамошна ескалација на конфликтот ги зголемува ризиците и неизвесноста и може да има значителни економски последици за регионот и пошироко. ММФ продолжува со внимание и загриженост да ја следи ситуацијата во јужен Либан - изјави портпаролката на ММФ Џули Козак и изјави дека Фондот изразува сочувство до семејствата на загинатите во конфликтите.
Таа посочи дека се уште е рано да се предвидат конкретни влијанија врз глобалната економија, но додаде дека економиите во регионот веќе претрпеле големи последици, особено во Газа, каде што цивилното население „се соочува со тешки социо-економски услови, хуманитарна криза и недоволна испорака на помош“, пренесува Ројтерс.
Според проценките на ММФ, БДП на Појасот Газа падна за 86 отсто во првата половина од годината, додека БДП на окупираниот Западен Брег веројатно падна за 25 отсто во истиот период, со изгледи за дополнително влошување.
БДП на Израел се намали за околу 20 отсто во четвртиот квартал од 2023 година по почетокот на конфликтот, со само делумно закрепнување во првата половина на 2024 година.
Главните начини на кои конфликтите на Блискиот Исток би можеле да влијаат на глобалната економија се преку зголемување на цените на суровините, вклучувајќи нафта и житарки, како и зголемени трошоци за испорака, бидејќи бродовите избегнуваат да пловат низ Црвеното Море, рече Козак.
Таа додаде дека Либан постигна договор со ММФ за потенцијална програма за заем во 2022 година, но нема доволно напредок во неопходните реформи.
- Подготвени сме да работиме со Либан во врска со евентуалната програма за финансирање кога ситуацијата е соодветна за тоа, но би било неопходно да се преземат одредени активности и да се преземат решителни политички мерки - додаде Козак, пренесува Танјуг.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
ДО BBC СТИГНАА ВИДЕО СНИМКИ – РУСИТЕ ИСПОРАЧУВААТ НАФТА НА СЕВЕРНА КОРЕЈА: „Ова е нафта за проектили, нафта за артилерија и сега нафта за војници“
ШПАНИЈА КАЗНИ ПЕТ НИСКОБУЏЕТНИ АВИОКОМПАНИИ ЗА ВИСОКИТЕ ДАВАЧКИ ЗА БАГАЖ: Еве која заработи најголема милионска казна
ГРИН МАШИНС НА БРАКО НА КЛУЧЕН ЕВРОПСКИ САЕМ ЗА ЗЕЛЕНА И ЦИРКУЛАРНА ЕКОНОМИЈА ВО ИТАЛИЈА
НАПАДОТ ОД ВЧЕРА ИМАШЕ ВЛИЈАНИЕ: Руската валута е на најниско ниво во однос на доларот од март 2022 година
МИЦКОСКИ ОД СРБИЈА: Овој настан е доказ за моќта на соработката што нашите земји ја имаат кон унапредувањето на економските врски
СЕ ЗГОЛЕМИ ЦЕНАТА НА ЗЛАТОТО: Колку чини унца попладнево?
МОЖНОСТ ЗА РАБОТА: Итно се потребни 5.000 работници, дневници до 130 евра и лесна регистрација
Зајкова: Поднесувам Закон за намалување на трошоците за банкарски услуги
(ВИДЕО) За една недела започнува со работа метрото во Солун, ќе функционира без возачи
