ДО КРАЈОТ НА НЕДЕЛАВА ЌЕ ЛЕГНАТ УНГАРСКИТЕ ПАРИ ВО БУЏЕТОТ: Утре ќе се потпише договорот за заем со Унгарија
Објавено во: Економија 07 Октомври, 2024
Утре во Будимпешта, ќе се потпише договорот за унгарскиот кредит од 500 милиони евра, кој ќе ја обезбеди поддршката за македонскиот бизнис-сектор и за општинските проекти.
Министерката за финансии, Гордана Димитриеска-Кочоска, го најави патувањето за Будимпешта, каде што официјално ќе биде склучен договорот. Таа очекува парите да бидат на сметките на државниот буџет до крајот на следната недела, што ќе овозможи брзо почнување на реализацијата на проектите. Министерката најави дека средствата од кредитот од Унгарската експорт-импорт банка треба да бидат уплатени до крајот на неделата.
Ова финансирање е дел од договорот што го постигна премиерот Христијан Мицкоски со унгарскиот премиер, Виктор Орбан, во текот на самитот на НАТО во Вашингтон.
ДО КРАЈОТ НА НЕДЕЛАВА ЌЕ ЛЕГНАТ УНГАРСКИТЕ ПАРИ ВО БУЏЕТОТ: Утре ќе се потпише договорот за заем со Унгарија