НОВА ЗАТВОРСКА КАЗНА: Поранешниот премиер на Пакистан Имран Кан осуден на 14 години затвор за корупција

Добивај вести на Viber

Уште една затворска казна за поранешниот пакистански премиер Имран Кан. Тој и неговата сопруга Бушра Биби се осудени на 14 години затвор поради корупција, во пресудата донесена само еден ден откако Кан беше осуден на 10 години затвор за објавување доверливи документи.

Последната пресудата се однесува на подароци добиени додека бил на власт.

Тоа беше изречено пред парламентарните и регионалните избори закажани за 8 февруари, за кои Имран Кан веќе беше прогласен за неподобен.

Засега не се знае дали затворските казни во две пресуди се последователни или не.

Имран Кан беше обвинет дека тој и неговата сопруга Бушра Биби, со која се ожени во 2018 година неколку месеци пред да стане премиер, добиле подароци чија вредност ја потценил пред да ги продаде за висока цена во тоа време.

Former Pakistani prime minister Imran Khan sentenced to 14 years in prison, a day after being jailed for 10 years https://t.co/PaeWnw6PrL

— BBC Breaking News (@BBCBreaking) January 31, 2024

Според законот, сите подароци примени додека некој е на функција мора да се пријават и дозволено е да се задржат само оние чија вредност е помала од одредена сума или ако се купени по официјално утврдена цена.

Двете судења беа одржани во затворот Адиала, каде Имран Кан е затворен откако беше уапсен во август минатата година. Тој треба да одговара на обвиненијата во десетици случаи и беше прогласен за неподобен да учествува на избори пет години.

Изборната кампања беше нарушена со обвинувања за измама и репресија против партијата основана од Кан, пакистански Техерек е Инсаф (ПТИ).

Фото: Принскрин/Твитер