Нови 20 милиони евра за ИКТ иновации

Добивај вести на Viber

Над 20 милиони евра се обезбедени за поддршка на старт-апи, спин-офи и комерцијализација на иновации на микро, мали и средни компании, соопшти заменик-министерот за информатичко општество и администрација Марта Арсовска Томовска на отворањето на првиот Google семинар во Македонија. - Очекуваме ИТ компаниите и програмерските куќи да бидат меѓу најголемите корисници на овие средства, истакна заменик министерот. Денешниот настан, „Девојките во ИКТ” има за цел да го подигне интересот кај младите луѓе, особено кај девојките, за кои се смета дека се недоволно застапени во информатиката, а истовремено да ја промовира важноста за почнување кариера во областа на ИКТ и компјутерското инженерство и е прв од предвидените четири. - Денес, благодарејќи на разбирањето на организаторот и на организаторките, кои и самите се „девојки во технологијата”, овозможивме студентки од македонските ИТ факултети да бидат дел од овој семинар, рече Арсовска Томовска. На првиот Google семинар учесниците имаат можност да се запознаат со последните тенденции во он-лајн маркетингот, рекламирањето и андроид програмирањето.