НОВИ ИЗНЕНАДУВАЊА НА ВЕБ СТРАНИЦАТА НА ПРИНЦОТ ВИЛИЈАМ И КЕЈТ МИДЛТОН - еве кои се промените

Добивај вести на Viber

Официјалните страници на кралското семејство се ажурирани со нови информации, како и фотографии и информации за принцот Вилијам и неговото семејство

Иако Кејт Мидлтон се опоравува од операција која е обвиткана во тајност, луѓето кои се грижат за нејзиниот имиџ не мируваат, а официјалните страници на принцот и принцезата од Велс се ажурирани со нови фотографии и информации.

Така, на ажурираните страници се појавија фотографии направени во последната година на кои се гледа како членовите на кралското семејство ги извршуваат своите должности.

Насловната фотографија на принцот Вилијам сега е онаа сликана на бината за време на крунисување што се одржа во просториите на замокот Виндзор еден ден по историското крунисување на кралот Чарлс во мај 2023 година, каде што тој одржа посебен говор посветен на неговиот татко.

Профилот на Кејт Мидлтон е ажуриран со насмеана фотографија од неа направена во Кардиф, Велс во октомври.

Покрај профилите на Вилијам и Кејт, ажурирани се и профилите на нивните деца, па биографските фотографии сега се слики објавени по повод нивните родендени во 2023 година. Официјалните кралски биографии на принцот Џорџ, принцезата Шарлот и принцот Луис се многу пократки од биографиите на нивните родители, а секоја содржи кратки детали за раѓање, целосни имиња и крштевки.