НОВИ НАПАДИ: Хутите гаѓале танкер во Црвеното Море и израелски град
Објавено во: Свет 19 Март, 2024
Хутите извршија нови напади. Тие објавија дека гранатирале танкер во Црвеното Море и израелски град.
МАДО е танкер за природен гас под знамето на Маршалските Острови кој патува од Саудиска Арабија до Сингапур. Ова го покажува системот за следење на морскиот сообраќај.
„Јеменските бунтовници Хути го гранатираа танкерот МАДО во Црвеното Море со поморски ракети, како и областа на израелскиот град Еилат со крстосувачки ракети“, изјави портпаролот на воената група Јахја Сарија.
Бунтовниците Хути, поврзани со Иран, постојано истрелуваат беспилотни летала и проектили насочени кон меѓународните комерцијални бродови во Црвеното Море од средината на ноември. Нападите го нарушија глобалното транспортирање, принудувајќи ги компаниите да преземаат подолги и поскапи патувања минувајќи јужно од Јужна Африка. Поради ова веќе беше најавено дека одредени намирници ќе поскапат. САД и Велика Британија одговорија со воздушни напади врз Хутите. Инаку, тие веќе со месеци прават вршат напади затоа што се солидаризираат со Палестинците во Газа.
фото МИА