НОВИ ПРАВИЛА ЗА ИЗНАЈМУВАЊЕ СТАНОВИ: Поголема транспарентност во европските земји

Добивај вести на Viber

Eвропската унија(ЕУ) донесе нови правила за изнајмување станови. 

Земјите-членки конечно ја одобрија новата регулатива за собирање и размена на податоци за услугите за краткорочно изнајмување сместувачки капацитети, што ќе овозможи поголема транспарентност на закупувачите и нивните имоти и ќе создаде предуслови за постигнување рамнотежа меѓу туристичките и долгорочните изнајмувања.

Новата регулатива треба да ја зголеми транспарентноста во областа на краткорочно изнајмување сместувачки капацитети и да им помогне на јавните власти да го регулираат овој сè поважен дел од туристичкиот сектор.

Тоа е последниот чекор во процесот на донесување одлуки. Со денешната одлука Советот го одобри ставот на Европскиот парламент, со што беше усвоен законодавниот акт.

Новите правила воведуваат хармонизирани барања за регистрација за сопствениците и имотите за краткорочно изнајмување, вклучително и доделување единствен регистарски број што ќе се прикажува на веб-страниците на имотот и онлајн платформите.

Сопствениците ќе дадат едноставни информации за да им се додели регистарски број, кој ќе биде потребен за давање услуги за краткорочно изнајмување сместување. Онлајн платформите ќе мора редовно да доставуваат информации за активностите за изнајмување на нивните закупувачи до единствената дигитална влезна точка во земјите-членки. Ова ќе им помогне на надлежните органи да изготват веродостојни статистички податоци и да преземат добро основани регулаторни мерки.

foto freepik.com