НОВО ЗАДОЛЖУВАЊЕ: Владата ќе позајми 4 милиони евра!

Добивај вести на Viber

Денеска Владата планира да позајми скоро 4 милиони евра од домашните кредитори. Според објавените податоци во Проспектите на Министерството за финансии, се работи за три акуции на државни записи. Владата првада записи со рок на доспевање од 15 и 10 години, со што продолжува трендот на долгорочни задолжувања. Најголем дел од парите, или повеќе од 3 милиони евра, Владата планира да ги позајми преку продажба на државни хартии од вредност со рок на доспевање од 10 години. Анализата на податоците за структурата на внатершната задолженост покажува дека во последните три ипол години има значајни промени. Имено, се зголемуваат задолжувањата на долг рок. Така, од почетокот на година почна создавање на долг што ќе се враќа по 15 години, со салдо од речси 40 милиони евра или 3,21% во купната структура. Голем пораст има и кај задолжувањата на 10 годишен рок, кои достигнаа 67,5 милиони евра додека задолжувањата со рок на отплата од пет години изнесуваат 329 милиони евра. Вкупниот внатрешен долг, заклучно со првиот економски квартал изнесува 1,2 милијарди евра и повеќе од една третина отпаѓа на долгорочни задолжувања со рок на доспевање од 5,10 или 15 години. Вкупниот Јавен долг пак изнесува 3,9 милијарди евра или 43,7% од Бруто Домашниот производ, и тој е во континуиран раст во псоледните седум години.