НОВО ЗАДОЛЖУВАЊЕ: Владата прибра речиси 12 милиони евра

Добивај вести на Viber

Владата го реализираше новото најавено задолжување на домашен терен. Министерството за финансии, преку две државни аукции, од банките и клиентите прибра 11,9 милиони евра. Издадени се двегодишни обрзници за сума од 9,9 милиони евра и петгодишни обрзници за сума од 2 милиони евра. „Побарувачката за 2 годишните државни обврзници изнесуваше 9,9 милиони евра, а реализацијата изнесуваше 9,9 милиони евра. Во сопственичката структура на 2 годишните државни обврзници без девизна клаузула банките учествуваат со 98,85%, додека клиентите со 1,15%“, информираат од Министерството за финансии. Датумот на достасување на двегодишните државни обрзници е 27 март 2016 година. Во однос на купувањето на петгодишната државна обврзница чиј рок на доспевање е 27 март 2019 година, според информацијата од Министерството за финансии, банките немаат удел во купувањето на оваа обрзница. „Побарувачката за 5 годишни државни обврзници изнесуваше 2 милиони евра, а реализацијата изнесуваше 2 милиони евра. Во сопственичката структура на 5 годишни државни обврзници со девизна клаузула банките учествуваат со 0%, додека клиентите со 100%“, пишува во информацијата на Министерството за финансии. Инаку, според календарот на Министерството за финансии, во скоро време нема најавено раздолжување на државата.